QUASIMODOGENITI

PARTURENA DI PARJAMITAAN JUMPA ARI MINGGU

Minggu, 11 April 2010

“Quasimodogeniti”

Huhuasi:

Huria ni Tuhan na hinaholongan di bagasan Jesus Kristus, minggunta sadarion margoar minggu Quasimodogeniti , songon posoposo na imbaru tubu, jala tema minggunta i ma Mangaradoti patik ni Debata, antong tapungka ma parmingguonta, taparade ma rohanta, martangiang na hohom ma hita satongkin:……... Amen

Marende BE No (ayat terakhir Huria jongjong)

Votum – Introitus – Doa

Marhitehite Goar ni Debata Ama, dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on. Amen

Hisapan ma hamu songon posoposo na imbaru tubu i, di susu na denggan na so mangansi, asa lam ganda hamu, marhite sian i molo tung nunga didai hamu basa ni Tuhan i. Puji hamu ma Debata hagogoonta i, olophon hamu ma Debata ni si Jakop. Haleluya!

Mangendehon : Haleluya..Haleluya..Halelu...ya

Martangiang ma hita:

Ale Tuhan Debata, Parasiroha na sumurung! Didok hataM do, ingkon manaon hami jala mate rap dohot Tuhan Jesus Kristus, asa rap hami dohot Ibana tu hasangapon. Sai parrohai ma hami, asa unduk hami tu lomo ni rohaM jala hot hami di haporseaon na ture asa tongtong mangkirim di haheheon dohot di hasangapon sogot silehononMu tu angka na porsea di Ho. Amen (Huria hundul)

Marende BE No

Patik

Tangihon hamu ma singkat ni Patik!  I ma sian 1 Petrus 2 : 2 :

Songon posoposo na imbaru tubu, uasan ma hamu di susu na tama, na so marlaok, asa lam magodang hamu, horhonon ni i, bahen haluaon.

Rap mangido gogo ma hita sian Tuhan Debata!

Ale Tuhan Debata sai pargogoi ma hami mangulahon na hombar tu patikMi. Amen

Koor

Marende (laho manopoti dosa) BE No (ayat terakhir Huria jongjong) 

 

Manopoti Dosa

Tatopoti ma dosanta di jolo ni Debata, martangiang ma hita:

Ale Tuhan Debata, Pargogo na so hatudosan jala Ama Parasiroha! Ndang lomo rohaM mida hamatean ni pardosa, mulak ma nian parjahat i tumadinghon dalanna, asa mangolu ibana, i do dipangido rohaM. Ala ni i, hupangido hami, sai sundati ma torutoruM asa unang mangonai be tu hami. Sai sesa ma sude dosanami, asa mangolu hami di bagasan asi ni rohaM. Sai pargogoi ma hami, asa margogo hami, marhitehite Tuhan Jesus Kristus Tuhannami. Amen

(Marende BE No )

Tabege ma hata bagabaga taringot tu hasesaan ni dosa:

Molo tung adong manang ise na mardosa, adong do pangondianta di Ama i, i ma Tuhan Jesus Kristus na tigor roha i. Jala Ibana do pardengganan taringot tu dosanta, alai ndada holan taringot tu dosanta, dohot do taringot tu dosa ni saluhut portibi on.

Hasangapon ma di Debata na di ginjang! Amen (Huria hundul)

Koor

Marende BE No

Epistel : Psalmen 8 : 2 - 7

Hata ni Debata na gabe turpuk / Epistel di ari Minggu on, i ma na nienet sian Psalmen 8 : 2 – 7, tajaha ma marsorinsorin :

(2) Ale Jahowa, Sigomgom hami. Mansai sangap do goarmu di liat portibi on, dipatimbul Ho do hamuliaonmu ro di atas ni angka langit

(3) Gari sian pamangan ni angka dakdanak dohot angka posoposo dijadihon Ho do paranganmu, ala ni angka na mangalo Ho, asa paonjaphon musu dohot sitahi sudolsudol

(4) Molo hutailihon langitmi, angka jadijadian ni jarijarim, bulan dohot bintang, angka na pinaulim.

(5) Tung aha ma nian jolma i, umbahen pola ditaringoti roham ibana? Jala anak ni jolma i, umbahen pola diebati Ho?

(6) Humurang apala otik do ibana sian Debata dibahen Ho, alai ditalitalihon Ho muse hamuliaon dohot hatongamon tu ibana

(7) Dipabangkit Ho do ibana gumomgom angka jadijadian ni tanganmu, sude do tahe dipatunduk Ho tu ibana.

I ma sahatna

Martua do angka na tumangihon Hata ni Debata, jala na umpeopsa. Amen

Koor

Marende (laho manghatindanghon Haporseaon) BE No ( ayat terakhir huria jongjong )

Manghatindanghon Haporseaon:

Tahatindanghon ma haporseaonta i, songon na hinatindanghon ni donganta sahaporseaon di sandok portibi on. Rap ma hita mandok :

Ahu porsea di Debata Jahowa, i do Ama, pargogo na so hatudosan na tumompa langit dohot tano.

Ahu porsea di Jesus Kristus, Anak ni Debata Jahowa, na sasada i, i ma na tinubuhon ni si Maria na gabegabean sian Tondi Parbadia andorang so habubuhan, i do Tuhanta, na tumaon na bernit di panguhuman ni si Latus, na mate tarpajal do Ibana di hau pinarsilang, na tuat tu banua toru, dung ditanom, na mulak mangolu di ari patoluhon, na manaek tu surgo laho hundul tu siamun ni Debata Jahowa, AmaNa i, pargogo na sohatudosan i, disi ma Ibana, paima mulak sogot tu tano on manguhumi halak na mangolu dohot na mate.

Ahu porsea di Tondi Parbadia, jala adong sada huria na badia, Huria hatopan ni halak Kristen angka na badia, dohot di hasesaan ni dosa, dohot di Hata i na mandok: Mulak mangolu sogot daging ni halak naung mate, dohot di hangoluan na so ra suda. Amen  (Huria hundul)

Koor

Tingting / Warta Jemaat

Songon na patangkashon tingting di hita di minggu on, hu jaha ma manang pigapiga nomor…

Tangiang Pangondianon / Doa Syafaat

Marende BE No

Marende ma hita huhut pasahat pelean I A dohot I B

Jamita